नेपाल सरकारले श्रमिक र रोजगारदाताबीच सीधा अनलाइन सम्पर्क स्थापित गर्न नयाँ डिजिटल पोर्टल shramasaar.gov.np सार्वजनिक गरेको छ। अब नेपाली नागरिकले रोजगारी पाउनका लागि दलालको भर पर्नुपर्ने युग समाप्त हुँदैछ, र रोजगारदाताले पनि योग्य कामदार सजिलै छनोट गर्न सक्नेछन्।
प्रधानमन्त्रीबाट औपचारिक उद्घाटन
यो पोर्टलको औपचारिक शुभारम्भ प्रधानमन्त्री केपी शर्मा ओलीले गर्नुभएको हो। उक्त पोर्टल अब चाँडै नागरिक एप मा पनि समावेश गरिने जनाइएको छ, जसले गर्दा मोबाइलबाटै सजिलै सेवा उपयोग गर्न सकिनेछ।
कसरी काम गर्छ यो पोर्टल?
रोजगारी खोज्ने व्यक्तिका लागि: पोर्टलमा गएर आफ्नो योग्यता, सीप, अनुभव, स्थान र रोजगारी चाहिएको क्षेत्र उल्लेख गरेर खाता बनाउनु पर्छ।
रोजगारदाता (कम्पनी/संस्था) का लागि: आवश्यक जनशक्ति, कामको प्रकृति, तलब, स्थान आदिको विवरण राखी विज्ञापन दिन सकिन्छ।
फिल्टर र सिफारिस प्रणाली: दुवै पक्षले आफ्नो आवश्यकता अनुसार खोजी गर्न सक्ने र मिल्दोजुल्दो उम्मेदवार/रोजगारी सिफारिस पनि पाउने सुविधा छ।
यस प्रणालीको प्रमुख फाइदा:
1. दलालमुक्त प्रक्रिया: रोजगारी खोज्न अब बिचौलियाको जरुरत पर्दैन।
2. विश्वसनीय र प्रमाणित डाटा: सरकारी निगरानीमा भएकाले विश्वासिलो सेवा।
3. प्रविधिमैत्री रोजगार प्रणाली: अनलाइनबाटै सम्पूर्ण प्रक्रिया।
नेपालमा रोजगारीको समस्या समाधानतर्फ एक कदम
नेपालमा ठूलो संख्यामा युवा बेरोजगार छन् भने रोजगारदाता योग्य कामदारको खोजीमा अलमलिन्छन्। यस प्रणालीले दुवै पक्षबीचको दूरी घटाउने छ र सामाजिक–आर्थिक विकासमा टेवा पुर्याउने विश्वास गरिएको छ।
Shram Sansar is a platform designed to connect job seekers with employment opportunities while offering information on labor rights, employment policies, and vocational services.